Элбэх оҕолоох ыал дьиэтин өрөмүөннээтилэр

Бөлөххө киир:

“Саха-Азия оҕолоро” норуоттар икки ардыларынааҕы фонд быйылгы аһымал бырайыагын чэрчитинэн, ыарахан балаһыанньаҕа түбэспит элбэх оҕолоох ыалга көмөлөстө. Бу сырыыга үс оҕолоох Светлана, Михаил Ушницкайдар дьиэлэрин өрөмүөннээтилэр.

Ущницкайдар Строительнай уокурукка хааччыллыыта суох эргэ мас дьиэҕэ олороллор. Михаил огранщик, кэргэнэ дьиэ хаһаайката. Кыралара оҕо саадыгар саҥардыы сылдьан эрэр. Онон кинилэр билиҥҥитэ дьиэлэрин уларытар, кэҥэттэр кыахтара суох. Бу ыалы бырайыак хамыыһыйата талан ылбыт. Хамыыһыйаҕа Строительнай уокурук быраабатын, куораттааҕы социальнай көмүскэл управлениетын, эппиэкэ отделын бэрэстэбиитэллэрэ бааллар.remont2

Өрөмүөнү баҕалаах дьон, спонсордар уонна төрөппүттэр бэйэлэрин күүстэринэн оҥордулар. Строительнай ырыынак сүрүн спонсор быһыытынан көмөлөспүт. Оҕолору, төрөппүттэри кытта бииргэ матырыйааллары, кыраасканы, лаампалары талан атыыласпыттар.

Бастакы этээс буолан, муоста анныгар уу мустар, истиэнэ түүнүгүрэр, тэллэйдэнэр эбит. Онон муостатын көтүрэн, уутун хачайдаан баран, кумах кутан, эбии сылытар матырыйаалы ууран, саҥа муостаны тэлгээбиттэр. Оҕолор хосторун уонна киирэр аан хоһун бүтүннүү өрөмүөннээн бүтэрбиттэр. Онон оҕолор үөрүүлэрэ муҥура суох.

Тэрийээччилэр бу бырайыагы өссө кэҥэтэр, салгыыр былааннаахтар.

Ангелина ВАСИЛЬЕВА.

+1
0
+1
0
+1
0
+1
0
+1
0
+1
0
+1
0