«Дьиэҕэ олорор эрэсиими кэһимэҥ, элбэх киһилээх тэрээһиннэри тэрийимэҥ, бөлөҕүнэн мустумаҥ» диэн сэрэтии бара турарын үрдүнэн, үгүс дьон син биир ирдэбили кэһэ турар.
edersaas.ru
Ол курдук, Ил Дархан Айсен Николаев киэһээҥҥи брифиҥҥэ Мииринэй улууһугар хас да хайысханан ыарыы тарҕаммыта биллибитин туһунан иһитиннэрдэ. «Ураза-Байрам» диэн бырааһынньыгы ыытан баран, хас да киһи ыалдьыбыт. Ааспыт сууккаҕа ол тэрээһиҥҥэ кыттыбыт эбии 4 киһи коронавируһунан сутуллубута биллибит. Ону таһынан, оҕо саадыгар дьуһуурунайынан үлэлиир дьахтар ыалдьыбыта бигэргэммит. Онон, аны, бу уһуйаан оҕолоруттан уонна үлэһиттэриттэн анаалыс ылан эрэллэрэ этилиннэ.
Онон кытаатан тустаах ирдэбили тутуһаргытыгар, бөлөҕүнэн, ыалынан мустуугутун тохтоторгутугар көрдөһөбүт!
Елена ПОТОЦКАЯ, «Саха сирэ» хаһыат, edersaas.ru
+1
+1
+1
+1
+1
+1
+1