Эксээмэн араспысаанньата таҕыста
· - Олох-дьаһах - Эдэр саас

Эксээмэн араспысаанньата таҕыста

Бэҕэһээ дойду бэрэсидьиэнэ Владимир Путин биир кэлим эксээмэн (ЕГЭ) Арассыыйа үрдүнэн биир болдьоҕунан барыаҕын иһитиннэрбитэ итиэннэ бэс ыйын 29 күнүттэн саҕаланыаҕа диэбитэ. Рособрнадзор сайтыгар эксээмэн араспысаанньатын бырайыага таҕыста.

edersaas.ru

Ол курдук, маҥнайгы күн – бэс ыйын 29 күнүгэр үс эксээмэн (география, литэрэтиирэ, информатика) тэҥинэн буолуохтара.

Онтон оҕо барыта туттарар нуучча тылыгар эксээмэни икки бөлөххө араарбыттар. Онон от ыйын 2 уонна 3 күннэригэр туруорбуттар.

От ыйын 6 күнүгэр — математика, от ыйын 9 күнүгэр — история, физика, от ыйын 13 күнүгэр — обществознание, химия, от ыйын 16 күнүгэр – биология, омук тылыгар эксээмэн (суругунан чааһа), от ыйын 18 уонна 20 күннэригэр омук тылыгар (тылынан чааһа) буолуохтара. Тустаах араспысаанньа бырайыак эрэ буолар, бүгүҥҥүтэ бигэргэнэ илик. Эксээмэн эрэсиэрбэҕэ күннэрэ эмиэ көрүллүөхтэрэ дииллэр.

Эрдэ этиллибитин курдук, быйыл биир кэлим эксээмэни (ЕГЭ) үрдүк үөрэххэ туттарсар эрэ оҕолор туттараллар. Аттестаты сыллааҕы сыаналарынан туруоран  биэриэхтэрэ.

Коронавирус аччаата эрээри, өссө даҕаны уҕарыйа илик. Онон эксээмэннэр туох баар санитарнай-эпидемиологическай ирдэбили тутуһан ыытыллыахтара дииллэр.

 

edersaas.ru

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

2 × четыре =