Экэниэмикэ сайдыытын министиэристибэтэ рестораннары уонна отеллары өйүүр миэрэлэри бэлэмниир
РФ экэниэмикэ сайдыытыгар министиэристибэтэ коронавирустан уонна солкуобай кууруһа түһүүтүттэн ордук эмсэҕэлээбит салаалары өйүүр кэлимсэ миэрэлэри бэлэмниир.
edersaas.ru
Манна эспиэрдэр уопсай аһылыгы тэрийэр тэрилтэлэри (общепит) уонна отель биисинэһин киллэрэллэр, диэн Саха сирин Урбааҥҥа, эргиэҥҥэ уонна туризмҥа министиэристибэтин пресс-сулууспата иһитиннэрэр.
Оҥоһулла сылдьар докумуоҥҥа кирэдьиит бырыһыаныгар уонна уопсай сүрүн сууматыгар уһатыы (отсрочка) көрүллэр. Маны сэргэ бырыһыан төлөбүрүгэр үбү толуйуу бэрээдэгэ чопчуланыа.
Хонтуруоллуур-кэтээн көрөр үлэни сүрүннээһини эмиэ хабыахтара. Бырабыыталыстыба 2020 уонна 2021 сылларга бэрэбиэркэлэри ыытыыга ураты сыһыаны олохтуон сөп.
Лицензияҕа сыһыаннаах уларыйыылар эмиэ тахсыахтара. Докумуон барылынан, дуоһунастаах дьон хаһаайынныыр субъектары кытта аҕыйахтык хантаактаһар буолуохтара. Ити түмүгэр лицензияларын болдьоҕо туолбуттар быстах кэмҥэ лицензията суох үлэлиир кыахтаныахтара.
СӨ Ил Дарханын уонна Бырабыыталыстыбатын пресс-сулууспата
Бэлэмнээтэ Женни СТРЮКОВА, “Саха сирэ” хаһыат
Хаартыска – тустаах саайтан.