Өлөөн улууһун Эйик оскуолатын үөрэнээччилэрэ ыам ыйын 4 күнүттэн оскуолаларыгар үөрэнэн саҕалаабыттар.
Дойдуга коронавирус дьаҥа туран, Кыайыы күнүгэр сыһыаннаах туох баар улахан тэрээһиннэр барыта онлайн ыытыллар буоллулар. Онон сибээстээн, Эйик үөрэнээччилэрэ бүтүн Арассыыйатааҕы «Кыайыы түннүктэрэ», «Үтүө санааны бэлэхтээ» аахсыйаларга, «Краски Победы» уруһуй куонкуруһугар, «История в биографиях» норуоттар икки ардыларынааҕы өйтөн суруйуу куонкуруһар көхтөөхтүк кытталлар.
Дьиэҕэ бэйэни хааччахтаныыга олорбут оҕолор Кыайыы күнүн көрсө, үөрүүнү кытта түннүк киэргэтэн саҕалаатылар.
Маны таһынан, учууталлар Ф.Е. Семенова, О.В. Амонова, М.Н. Фадеева, Е.Е Кучарова сэрии туһунан аһаҕас уруоктары ыыттылар.
Инньэ гынан, Эйик үөрэнээччилэрэ Улуу Кыайыыны үйэтитэргэ сэмэй кылааттарын киллэрдилэр.
Өлөөн улууһун
Эйик орто оскуолатын кэлэктиибэ.
+1
+1
+1
+1
+1
+1
+1