Куоракка тыал-куус түстэ, Ил Дархан дуоһунаһыттан тохтуурун иһитиннэрдэ.
www.edersaas.ru
Уулуссаҕа тыал-куус түһэн, Ил Дархан кэбиниэтин иһинээҕи лаампа уота дьиримнииллэррин ортотугар Егор Борисов бэлэмнээбит тиэкиһин аахта. Күн-дьыл билгэтигэр эрдэ көстүбэтэх силлиэ, чахчы да, дьиктитик көһүннэ.
“Бары дьайыыларбар дьон уонна өрөспүүбүлүкэ туһа диэн үлэлээн кэллим. Боростуой оробуочайтан саҕалаан өрөспүүбүлүкэ баһылыгар тиийэ үүммүтүм. Сахам норуотугар өйөбүлүн, итэҕэлин иһин махтанабын. Миигин солбуйар киһи туһунан биири эрэ этиэхпин сөп: кини кэлии киһи буолуо суоҕа. Дойду бэрэсидьиэнэ Владимир Путин биһигини өйүө диэн эрэнэбин”.
– диэн кини өрөспүүбүлүкэ кылаабынай эрэдээктэрдэрин кытта көрсүһүүтүн саҕалаата.
Ил Дархан уурайар быһаарыныытын официальнайдык өрөспүүбүлүкэ уон кылаабынай эрэдээктэр ортотугар иһитиннэрдэ. Киэһэ аҕыс чаастан кини өссө миниистирдэрин кэбиниэтин кытта көрсүһэр былааннаах.
Прокопий БУБЯКИН, «Саха сирэ» хаһыат кылаабынай эрэдээктэрэ
Анлдрей СОРОКИН хаартыскаҕа түһэриитэ.