Үөһээ Бүлүү урбаанньыттара коронавируһу утары үлэҕэ харчынан көмөлөстүлэр

Бөлөххө киир:

Саха Өрөспүүбүлүкэтин  доруобуйатын харыстабылын туйгуна, Үөһээ Бүлүүтээҕи кииннэммит балыыһа бочуоттаах бэтэрээнэ, эмп эйгэтигэр олоҕун анаабыт, улаханнык ытыктанар киһи Татьяна Ивановна Агаева төрөппүт оголоро көһүппэтэх өттүттэн материальнай көмөнү оҥорон, ыарахан кэмҥэ эрдээх илиилэрин ууннулар.

edersaas.ru

Улуус экономическай сайдыытыгар урбаан эйгэтин сайыннарыыга араас хайысханан күүскэ ылсан үлэлэһэ сылдьар Михайловтары билбэт киһи суоҕа буолуо. Ол курдук кинилэр туруоруммут сыалларын тиһэҕэр тиэрдэр, толкуйдаабыттарын олоххо киллэрэн тэйэр биир тыллаах, чахчы да дьон туһугар үлэлиир үтүө суобастарынан тахсыбыт дьон. Хаачыстыбаҕа охтубут уонна ону дьиҥ чахчы бэйэлэрин дьаныардарынан ситиһэр хоһуун дьон.

Аан дойдуну бүтүннүүтүн сатыылаабыт коронавирус диэн ааттаах ыарыы аймалҕана бүрүүкээн турдаҕына киһи кимэ-туга биллэр кэмэ тирээтэ. Ону кытта үтүө суобастарынан салайтаран «МИЛА» бородуукта, канцтабаар маҕаһыынын хаһаайката Елена Прокопьевна -70000 солкуобайы, «Оонньуур» оҕо табаарын маҕаһыынын хаһаайката Ирина Прокопьевна -10000 солкуобайы уонна «Хлебопекарня» хаһаайына Юрий Николаевич (Татьяна Ивановна сиэнэ) — 20000 солкуобайы уу харчынан аҕалан туттардылар.

Киирбит үбүнэн киин балыыһа отделениеларыгар коронавируһу бохсорго бэлэмнэнэллэригэр хаһаайыстыбаннай маллар, инфекцияттан харыстанарга тус туттуллар сириэстэбэлэр ылылыннылар.

Убаастабыллаах Елена Прокопьевна, Ирина Прокопьевна, Юрий Николаевич! Үтүө санааҕыт бэйэҕитигэр сүүс төгүл эргийэн тиийдин, дьон махтала-таптала эһигини угуттуу турдун! Күндү коллегабытыгар, Татьяна Ивановнаҕа, үчүгэй үлэһит дьону иитэн- такайан таһаарбыккар барҕа махтал!

Ирина Абрахова, Үөһээ Бүлүүтээҕи Киин Балыыһа пресс-сулууспата

+1
0
+1
0
+1
0
+1
0
+1
0
+1
0
+1
0