Бүгүн батсаабынан “Предприниматель Сортолова Светлана Светлановна газ заправкатын арыйда! Сыаната 26 солк. Улуус массыыналаах дьонун кэлэн чэпчэки сыанаҕа заправкаланарга ыҥырар!” диэн иһитиннэрии кэлэн, батсаап-бөлөхтөргө кэпсэтии бөҕө буолла. Аны ханнык улууһа чопчу ыйыллыбатах.
edersaas.ru
Билэр дьоммуттан ыйыталаһан билбитим, Үөһээ Бүлүү улууһун урбаанньыта Светлана Сортолова эбит. Төлөпүөнүн булан сибээскэ тахса сылдьан кэпсэппиппэр, бүгүҥҥүттэн саҥа үлэлээн эрэбин диэтэ. “Уматыкпытын Кыһыл Сыыртан аҕалабыт. ЯТЭК-тан. Үөһээ Бүлүүттэн чугас. Олохтоохтор сэргээтилэр”, — диэн кэпсээтэ.
Тыа сиригэр диэтэххэ, сыаналара удамыр. Биир лиитирэтэ 26 солкуобай. “Алтынньыттан сүүрэн-көтөн, докумуон хомуйсан, дьэ бу, муус устар 11 күнүттэн үлэлээ диэтилэр”, — диир. Онон, Чурапчыттан төрүттээх урбаанньыт Светлана Сортолова урбаан ырыынагар Үөһээ Бүлүүгэ саҥа сүүрээни киллэрэн, олохтоохтор чэпчэки сыаналаах саппараапканан туһаныахтара.
Биһ. корр., edersaas.ru
+1
+1
+1
+1
+1
+1
+1