Саха сирин эдэр табаһыттара дьиэ-уот тутталларыгар көмө көрүллүүтүн олохтуур туһунан уураах Бырабыыталыстыба ыам ыйын 26 күнүгэр ыытыллыбыт мунньаҕар бигэргэннэ.
edersaas.ru
Олорор дьиэни-уоту тупсарыыга көрүллэр социальнай көмө уон үс хотугу, Арктикатааҕы, улууска таба хаһаайыстыбаларыгар үлэлии сылдьар, түөрт сылтан итэҕэһэ суох ыстаастаах, 35-гэр диэри саастаах эдэр табаһыттарга бэриллэр.
Көмө ылар табаһыт табаҕа аны биэс сыл үлэлиэхтээх. Күн бүгүн Арктика улуустарын хаһаайыстыбаларыгар 164 эдэр табаһыт үлэлии-хамсыы сылдьар. Бу көмө эдэр табаһыкка биирдэ эрэ бэриллэр, онно тирэҕирэн, табаһыт бэйэтин улууһугар дьиэ туттуохтаах.
Сайаапкалары хомуйуу, докумуоннары көрүү-истии итиэннэ көмө кимиэхэ бэриллэрин быһаарыыга эдэр табаһыттар испииһэктэрин оҥоруу Тыа хаһаайыстыбатын министиэристибэтигэр ыытыллар.
Раиса Сибирякова, «Саха сирэ» хаһыат, edersaas.ru
Хаартыска — интэриниэттэн.
+1
+1
+1
+1
+1
+1
+1