«Анаабыр алмаастара» АУо исписэлиистэрэ “Эбэлээх” алмаас хостуур сиртэн 236 карааттаах араҕастыҥы-кугас өҥнөөх алмааһы буллулар. Маннык өҥнөөх бөдөҥ кристалл олус сэдэхтик көстөр булумньу, бу алмаас Арассыыйаҕа көстүбүт өҥнөөх алмаастартан саамай бөдөҥнөрө буолла.
edersaas.ru
Алмаас 47 х 24 х 22 мм кээмэйдээх. Күндү таас үөскээбит сааһын быһа холоон 230 мөлүйүөн сылга тэҥнэһэр диэн сабаҕалаатылар.
— Маннык бөдөҥ кристалл олох биирдэ эмит көстөр. Билигин тааһы АЛРОСА атыылыыр киинигэр ыыттыбыт, онно кырыылаан бриллиант оҥорору эбэтэр тыыппакка бэйэтинэн хаалларары быһаарыахтара. Бу курдук бөдөҥ алмаастан хас даҕаны уһулуччу хаачыстыбалаах бриллиант тахсыан сөп, — диэн «БРИЛЛИАНТЫ АЛРОСА» кырыылыыр собуотун дириэктэрэ Павел Винихин быһаарар.
Егор Карпов, «Саха сирэ» хаһыат, edersaas.ru
+1
+1
+1
+1
+1
+1
+1