Бу күннэргэ Аҕа дойдуну көмүскээччилэр бырааһынньыктары өрөбүллэригэр Орто Халыма улууһун Эбээх бөһүөлэгин 2-с Хаҥалас нэһилиэгэр мас тардыһыы күрэһэ буолан ааста.
edersaas.ru
Тэрээһин туһунан Орто Халыматтан уопсастыбаннай кэрэспэдьиэн Людмила Никитина маннык сырдатта:
— Нэһилиэк күүстээхтэрэ Николай Слепцов-Кустук, Николай Созонов-Нонньооһой уонна Николай Гуляев-Күүстээх Ньукаас ааттарын үйэтитэр мас тардыһыы күрэһэ 5-с төгүлүн ыытылынна.
Бу сырыыга эригийиэннээҕи күрэх буолан, Дьокуускайтан Баһылай Манчаары аатынан национальнай спорт көрүҥнэрин өрөспүүбүлүкэтэҕи киинин физкультурнай-доруобуйаны бөҕөргөтөр отдел салайааччыта Сергей Бандеров, мас тардыһыытыгар спорт маастара, физкультура уонна спорт институтун мас тардыһыыга кафедратын доцена Егор Кудрин сэминээр ыыттылар уонна маастар кылаас көрдөрдүлэр.
Уопсайа сэттэ нэһилиэктэн 70 мадьыны күрэс былдьаста.
Елена ПОТОЦКАЯ, «Саха сирэ хаһыат», edersaas.ru
+1
+1
+1
+1
+1
+1
+1