Эһээтин массыынатын күрэппит

Ааптар: 
Бөлөххө киир:

Сарсыарда 08.00 чаас саҕана Уус Алдан улууһун биир сэлиэнньэтин олохтооҕо гарааһыттан «Nissan X-Trail» массыынатын уоран барбыттарын көрөөт, тута полицияҕа тыллаабыт.

edersaas.ru

Итинэн кини 1 мөлүйүөн солкуобай хоромньуламмыт.

ГИБДД полицейскайдара сотору кэминэн быраҕыллыбыт массыынаны аттынааҕы дэриэбинэттэн булбуттар.

Оттон холуобунай ирдэбил оперативниктара уорууга уорбаланааччыны туппуттар — эмсэҕэлээччи киһи урут уорууга түбэһэн сууттана сылдьыбыт бэйэлээх бэйэтин сиэнэ эбит.

Барыллаан быһаарыынан, эһээтэ утуйа сыттаҕына, бу 17 саастаах уол гараас түннүгүн сүгэнэн алдьатан киирбит. Уонна массыына аана хатамматаҕын, күлүүһэ ыйанан турарын көрөн, аттынааҕы  сэлиэнньэҕэ атаһыгар айаннаабыт.

Бу чахчынан «Массыынаны күрэтии» ыстатыйанан холуобунай дьыала тэриллибит. Накаастабыл миэрэ — 5 сылга диэри болдьоххо көҥүлү быһыы.

Бу туһунан СӨ ИДьМ-тын пресс-сулууспата иһитиннэрдэ.

Биһиги корр., «Саха сирэ» хаһыат, edersaas.ru

Хаартыска: интэриниэттэн.

+1
0
+1
0
+1
0
+1
0
+1
0
+1
0
+1
0