Күнүүһүт дьахтар дьыалаҕа эрилиннэ
Бэрээдэк - Олох-дьаһах

Күнүүһүт дьахтар дьыалаҕа эрилиннэ

Былдьаһыктаах бырта сыата буолбут эр киһини былдьаһан, күнүүһүт дьахтар дьүөгэтин эчэппит.

edersaas.ru

Уус Маайа полициятыгар балыыһаттан иһитиннэрии киирбит. Хааһа быһа охсуллубут 36 саастаах дьахтар киирбитин туһунан.

Бу иһитиннэриини участковай боломуочунай бэрэбиэркэлээн, уорбаланааччы эмсэҕэлээбит дьахтар дьүөгэтэ буоларын быһаарбыт.

Барыллаан быһаарыынан, дьүөгэтэ бу дьахтар урут таптаһа сылдьыбыт эр киһитин кытта көрсүһэр эбит.

Ол күн дьахтар ол урукку тапталыгар кэлбитэ — арай дьүөгэтэ баар эбит. Дьахталлар этиһэн бурҕачыһан турбуттар. Онуоха уорбаланааччы дьахтар дьүөгэтин олоппоһунан охсубут.

Бу чахчынан РФ Холуобунай кодексатын 115-с ыстатыйатынан, ол эбэтэр, доруобуйаҕа чэпчэки эмсэҕэлээһини соруйан оҥоруу бэлиэтэ баарынан,  дьыала тэриллибит.

Бу туһунан СӨ ИДьМ-тын пресс-сулууспата иһитиннэрдэ.

Биһиги корр., «Саха сирэ» хаһыат, edersaas.ru

Хаартыска: интэриниэттэн

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

двадцать − тринадцать =