Ньиэп сыаната чэпчээн, бүгүн, кулун тутар 10 күнүгэр, Москватааҕы биржаҕа дуоллар 4,23 солкуобай үрдээн, 72,80 солкуобайга буолла. Эмиэрикэ валютатын куурса 2016 сыл кулун тутар ыйыттан эмискэ үрдээн, муҥутуур чыпчаалыгар тиийдэ.
Евро 4,99 солкуобай үрдээн, 82,5 солкуобайга тэҥнэстэ. Ол туһунан дойду сүрүн информационнай ааҕыныстыбалара иһитиннэрдилэр.
Онон Киин Баан аһаҕас ырыынакка валютаны атыылаһарын 30 күҥҥэ тохтотто. Үп министиэристибэтэ валютаны ырыынакка атыылыыр санаалаах. Эспиэртэр солкуобай сыаната түһэн, инфляция улаатан, Киин Баан сүрүн ыстаапканы үрдэтиэн сөбүн туһунан этэллэр. Оччотугар кирэдьиит, ипотека бырыһыана эмиэ үрдүүр чинчилээх.
Хаартыска — интэриниэттэн.
«Саха сирэ», edersaas.ru
+1
+1
+1
+1
+1
+1
+1