Ил Дархан Айсен Николаев норуодунай дружиналар үлэлэрин туһунан 1267 №-дээх ыйааҕа бэс ыйын 19 күнүгэр тахсыбыта.
edersaas.ru
Ол чэрчитинэн, 2020 сылтан дружинниктарга хамнас төлөнүө. Биир чааска 100 солкуобай төлөнөр, ону тэҥэ, анал бэлиэ, форма ылалларыгар 800 солкуобай көрүллэр. Онон 2020 сылга субсидия суумата 16 мөлүйүөн 383 тыһыынча солкуобайга тэҥнэһэр диэн ыччат дьыалаларыгар, социальнай коммуникацияларга министиэристибэ иһитиннэрэр.
Билигин өрөспүүбүлүкэҕэ 117 норуодунай дружина уонна 1 уопсастыбаннай түмсүү, барыта 1810 дружинник баар.
Ол иһигэр: Дьокуускайга – 9, Сунтаарга – 12, Уус Алдаҥҥа, Чурапчыга, Намҥа, Бүлүүгэ – 6-лыы, Мииринэйгэ, Орто Халымаҕа – 5-тии, Өймөкөөҥҥө, Алдаҥҥа, Мэҥэ Хаҥаласка, Муомаҕа – 4-түү, Хаҥаласка, Дьааыга – 3-түү, Аллараа Халымаҕа, Горнайга, Үөһээ Халымаҕа, Кэбээйигэ, Ньурбаҕа, Усуйаанаҕа – 2-лии, Нерюнгрига, Тааттаҕа, Үөһээ Бүлүүгэ, Өлүөхүмэҕэ, Эдьигээҥҥэ, Томпоҕо, Эбээн Бытантайга, Өлөөҥҥө, Булуҥҥа, Аллайыахаҕа, Уус Майаҕа, Анаабырга, Ленскэйгэ, Жатайга – биирдии дружиналар үлэлииллэр.
Уопсастыбаннай бэрээдэги көрүүгэ норуодунай дружинниктар көмөлөрүнэн 40 административнай быраабы кэһии булуллубут.
Ангелина Васильева, “Саха сирэ” хаһыат, edersaas.ru
