Дьон куоластыы кэлэ турар
Олох-дьаһах

Дьон куоластыы кэлэ турар

РФ Төрүт Сокуонугар уларытыылары киллэриигэ куоластааһын өрөспүүбүлүкэҕэ көхтөөхтүк бара турар. Саха сирин улуустарыгар, нэһилиэктэригэр тэрээһин үчүгэйэ бэлиэтэнэр.   

   

Чурапчы улууһун Хадаардааҕы 675 N-дээх быыбардыыр учаастакка бастакы күн хамыыһыйа чилиэннэрэ, бары санитарнай ирдэбиллэри тутуһан,  дьону дьиэлэринэн сылдьан куоластаттылар.

Быыбардыыр учаастак Аҕа дойду Улуу сэриитин бэтэрээнэ С.Д.Флегонтов аатын сүгэр Хадаар орто оскуолатын дьиэтигэр бэс ыйын 25 күнүттэн  аһыллан, үлэлии турар.

Уопсайа дьиэнэн куоластааһыҥҥа 86 киһи бэйэтин гражданскай иэһин толордо. Бу, сүрүннээн, 65 саастарыттан үөһээ аҕам саастаах дьон буолар.

Испииһэккэ баар 419 быыбардааччыттан, күн аайы түөлбэлэринэн, график быһыытынан, дьон УИК-э куоластыы кэлэ турар, диэн иһитиннэрэр быыбардыыр хамыыһыйа бэрэссэдээтэлэ Лидия Ивановна ЛУКИНА. 

Эһиги бу хаартыскаларга Хадаарга куоластааһын хаамыытын көрөҕүт.

Татьяна МАРКОВА, edersaas.ru

1
0

Сайт матырыйаалларын ааптар көҥүлэ суох ылар бобуллар.
  1. 1 санаа

    Алексеева

    Хадаардар маладьыастар!😊

    30.06.2020

  2. 2 санаа

    Лина

    Бэрткэ тэриммиттэр, маладьыастар!!!

    30.06.2020

Ваш e-mail не будет опубликован.

тринадцать − один =