Дьокуускайга биллэриллибит санитарнай ыраастааһын үс ыйдаах чэрчитинэн, муус устар 1 күнүттэн, хаары ыраастыыр, халаан уутун утарар үлэлэр куоракка саҕаланнылар.
Үлэни «Якутдорстрой» АХ тэрийэн ыытар. Хаары ыраастааһын уонна тиэйии муус устар 15 күнүгэр диэри салҕанар.
Дьокуускай куорат иһиттэн, алтынньыттан муус устар ыйга диэри, 484 000 кубометр хаар тиэйиллэн таһаарылынна. Муус устар 1-6 күннэригэр Советскай Армия 50 уулуссатыттан 19 000 кубометр хаар тиэлиннэ. Сууккаҕа уопсайа 1 730 кубометр хаар ыраастанар, тиэйиллэр.
«Якутдорстрой» АХ иһитиннэрэринэн, муус устар 6 күнүттэн, хаар тиэйиитигэр, таһыытыгар уопсайа 23 массыына тахсыбыт. Оттон уу сүүрэр, барар-кэлэр ханаалларын, холлоҕосторун, мууһурбут турбалары паарынан сылытан ыраастааһыҥҥа 17 массыына уонна 65 киһи үлэлиир.
Ааптар хаартыската
+1
+1
+1
+1
+1
+1
+1