Дьокуускайга — суолу оҥоруу
Олох-дьаһах

Дьокуускайга — суолу оҥоруу

Дьокуускай куоракка бу нэдиэлэҕэ суол-иис үлэтэ, өрөмүөнэ хайдах салҕанан иһэрий? 


Балаҕан ыйын 11 күнүнээҕи туругунан, Дьокуускай куорат сиригэр-уотугар «Куттала суох уонна хаачыстыбалаах суол» национальнай бырайыагы олоххо киллэрии былаан быһыытынан баран иһэр диэн куорат дьаһалтатын уопсастыбаннаһы уонна иһитиннэрэр-биллэрэр маассабай сириэстибэлэри кытары  үлэҕэ Департаменыттан иһитиннэрэллэр.

Куорат суолун-ииһин управлениетын начаалынньыга Валерий Домотов хас да учаастакка коммуникациялары таһаарыы үлэлэрэ түмүктэммиттэрин, Чайковскай уулуссатыгар үлэ үмүрүйэн эрэрин, Газовиктар уулуссаларыттан уот тиһигин түөрт тирэҕин ылбыттарын, Строительнай уокурукка улахан үлэ ыытыллаары турарын, Жорницкайга «Водоканал» АУо кытары бииргэ үлэлиэхтээхтэрин, 202 уонна 203 микрооройуоннар суолларыгар үлэлэр ыытыллыбыттарын иһитиннэрбит.

Петр Алексеев уулуссатыгар аспаалга иккис дьапталҕа ууруллубутун кэнниттэн, көлөлөр сылдьалларыгар суол быстах кэмҥэ арыллыахтаах. Жорницкайга аспаал иккис дьапталҕаланан бүрүллүбүт. Семен Данилов уулуссатын бастакы аҥара аспаал иккис дьапталҕатынан бүрүллүбүт уонна итинтэн Рыдзинскайга диэри суол аһыллыбыт. Суол иккис аҥаара бу нэдиэлэҕэ аспаалланыахтаах диэн эппит.

Газовиктар уулуссаларыгар суол хаймыыта ууруллар, оттон Яков Петерс уулуссата аспаалланар, Школьная уулуссаҕа бу нэдиэлэ ортотуттан үлэ саҕаланара былааннанар. Ол кэнниттэн тута Экспериментальнайга үлэ салҕаныахтаах. Маны сэргэ бу нэдиэлэҕэ Красильников, Чайковскай, Ларионов уулуссаларыгар үлэ ыытыллыахтаах.

Автодорожнай, Губинскай, Сайсары уокуруктарын суолларыгар хапытаалынай өрөмүөн бэдэрээччитинэн «Сахатрасстрой» ХЭУо буолар. Гагаринскай, Строительнай уокуруктарга ПАО СУ — 5 Дорисс, Промышленнай уокурукка «Альянс-2005» дьарыктанар. Марха микрооройуон уулуссаларыгар «МонтажСервис» ХЭУо эппиэттээх.

Мархинка уонна Севернай үрэхтэри туоруур муостаны тутууга «Мосты Севера» КСК ХЭУо, Пригороднай сэлиэнньэтигэр Шестаковка үрэҕи туоруур муостаны «Илин» СК тутар.

Дьокуускай «Куттала суох уонна хаачыстыбалаах суол» федеральнай бырагыраамаҕа кыттар.  2019 сылга суолу тутуу уопсай ороскуота 1,5 млрд солк., итинтэн 500 мөл. солк.  өрөспүүбүлүкэ бүддьүөтүттэн, 500 мөл. солк. — Дьокуускай куорат бүддьүөтүттэн, 496 мөл. солк. — федеральнайтан диэн иһитиннэрэллэр.

Хаартыска: интэриниэттэн

 

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

2 × один =