Бүгүҥҥү брифиҥҥэ Ил Дархан Айсен Николаев өрөспүүбүлүкэҕэ коронавирус балаһыанньатын туһунан иһитиннэрэригэр, Дьокуускайга балаһыанньа уустугунан, үс күн устата дезинфекциялыыр үлэлэр ыытыллыахтара диэн эттэ.
Ол курдук, ыам ыйын 29 күнүгэр, бары тэрилтэлэргэ санитарнай үлэлэр ыытыллаллар.
Маннык үлэлэр сарсыҥҥыттан, ыам ыйын 30 күнүттэн, малы-салы атыылыыр маҕаһыыннарга салҕаналлар. Маҕаһыыннар ыам ыйын 30-31 күннэригэр үлэлээбэттэр.
Ас-үөл атыылыыр маҕаһыыннар субуотаҕа, ол эбэтэр, ыам ыйын 30 күнүгэр үлэлииллэр. Оттон өрөбүлгэ дезинфекциянан, үлэлээбэттэр.
Кууһунан атыылыыр баазалар бүгүн, ыам ыйын 29 күнүгэр, 16.00 чааска диэри үлэлиэхтэрэ уонна бэнидиэнньиккэ диэри үлэлэрин тохтотон эриэхтэрэ.
Ону сэргэ, куорат сынньалаҥ паарката санитарнай үлэнэн эмиэ аанын сабан эрэригэр тиийэр.
Дьокуускайга уопсастыбаннай тырааныспардар дезинфекциялааһын ыытылларынан, субуотаҕа уонна өрөбүлгэ сүүрбэттэр.
—Бу миэрэлэр уопсастыбаннай сирдэргэ, тырааныспардарга, маҕаһыыннарга дьаҥы-дьаһаҕы тарҕаппат, бохсор туһуттан ылылыннылар. Ол да буоллар, мааскалаах сылдьыы, дьиэҕэ хааччахтанан олоруу тутуһуллуохтаа[. Онон бу күннэргэ даачаҕа, дьиэҕитигэр олорорго кыһаллыҥ, — диэтэ Ил Дархан.
Дьаҥы-дьаһаҥы бохсууга бу күннэр оруоллаах буолалларын умнумуоҕуҥ. Барыта бэйэбититтэн тутулуктаах.
edersaas.ru
Хаартыска: 74.mchs.gov.ru