Дьокуускайга 2017 сыллаахха кулун тутарга дойду Табаһыттарын IV сийиэстэрэ ыытыллыбыта. Онно Арассыыйа тыатын хаһаайыстыбатын миниистирин бастакы солбуйааччы Джамбулат Хатуов Саха сиригэр таба салаатыгар Селекция-генетика киинин тэрийэргэ сорудахтаабыта.
edersaas.ru
Хотугу үгэс буолбут салааны сайыннарыыны таба боруодатын талан тупсаран оҥоруу, племенной үлэ таһыма намыһаҕа, научнай-чинчийэр үлэни үбүлээһин татыма олус атахтыыр. Ити иһин Арктика дьыалаларыгар Судаарыстыбаннай кэмитиэт кэллиэгийэтин уонна уопсастыбаннай сэбиэт 2017 сыл ахсынньы 28 күнүгэр буолбут холбоһуктаах сүбэ мунньахтарыгар өрөспүүбүлүкэҕэ таба боруодатыгар Селекция-генетика киинин тэрийии 2018 сыл биир сүрүн соругунан туруоруллубута.
Онон Арассыыйа Тыатын хаһаайыстыбатын министиэристибэтин кытары бииргэ үлэлээһин түмүгэр, М.Г.Сафронов аатынан Саха сиринээҕи Тыа хаһаайыстыбатын научнай-чинчийэр институтун базатыгар эбээн уонна эбэҥки боруода табаларга Селекция-генетика киинэ тэрилиннэ.
Раиса Сибирякова, «Саха сирэ» хаһыат, edersaas.ru