Ахсынньы 29 күнүгэр Ил Дархан Айсен Николаев М.К. Аммосов аатынан ХИФУ уонна Арктикатааҕы култуура уонна искусство судаарыстыбаннай институтун устудьуоннарыгар аналлаах уопсай дьиэ үөрүүлээх арыллыытыгар кыттыыны ылла. 500 устудьуон олороругар толору хааччыллыылаах дьиэ Губин уулуссатыгар турар, уопсай иэнэ 8 тыһыынча 200 кв. м. тэҥнэһэр.
Саҥа уопсай үөрүүлээх арыллыытынан уонна кэлэн иһэр Саҥа Дьылынан устудьуоннары Айсен Николаев эҕэрдэлээтэ. «Өрөспүүбүлүкэ салалтата үрдүк үөрэхтээһин сайдарын куруутун өйүүр, бу олус суолталаах. Саха сирин үрдүк үөрэҕин кыһалара өрөспүүбүлүкэбит саҥа экономиката сайдарыгар каадырдары бэлэмниэхтээх. Биһиги салгыы да университеттары өйүөхпүт. Маннык аныгылыы тутуулаах уопсайдары тутуу биһиги үрдүк үөрэхпит кыһалара атыттары кытта күрэстэһэр кыахтара үрдүүрүгэр уонна өссө элбэх талааннаах ыччаты угуйарыгар төһүү буолар», — диэн Айсен Николаев эттэ.
Саҥа дьиэҕэ устудьуоннар тус-туспа блоктарга олоруохтара, хас биир блок иккилии, үстүү, түөртүү хостортон, куухунньаттан, суунар-тараанар уонна дьарыктанар хостон турар. Манна устудьуоннар номнуо Саҥа Дьыллааҕы бырааһынньыктар кэннилэриттэн көһөн киириэхтэрэ.
edersaas.ru