Дьокуускайга ыам ыйын 8-9 күннэригэр — “Тиэргэнинэн ыллыыбыт” аахсыйа
Ыам ыйын 9 күнүгэр дойдубут куораттарыгар Аҕа дойду Улуу сэриитин кыттыылаахтарыгар анаан дьоҕус кэнсиэртэр ыытыллыахтара.
edersaas.ru
Тэрээһин бэтэрээннэр олорор тиэргэннэригэр ыытыллыа. Саха Өрөспүүбүлүкэтигэр бу аахсыйаны Ыччат министиэристибэтэ сүрүннүүр. Маныаха Култуура, Үлэ уонна социальнай сайдыы министиэристибэлэрэ, Дьокуускай куорат дьаһалтата кыттыһыахтара.
Кэнсиэртэр өрөспүүбүлүкэ муниципальнай тэриллиилэригэр олорор бэтэрээннэр дьиэлэрин тэлгэһэлэригэр ыытыллыаҕа. Диктордар массыынанан Аҕа дойду Улуу сэриитин бэтэрээнэ олорор тиэргэнигэр кэлэн, босхо кэнсиэри тэрийиэхтэрэ. Ырыаны-тойугу түннүктэригэр уонна балкоҥҥа олорон истиэхтэрэ. Дьокуускайга бу аахсыйа ыам ыйын 8-9 күннэригэр 43 бэтэрээҥҥэ анаан ыытыллыаҕа.
Бүгүн тэрээһин 12.00 чаастан саҕаланыаҕа. Ыам ыйын 8 күнүгэр 21 дьиэ таһыгар, сарсын 18-ка ыытыллыаҕа.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Бэлэмнээтэ Женни Стрюкова, “Саха сирэ” хаһыат
Хаартыска: саайтан