Үрдүк технологиялаах оҥорон таһаарыы саҥа көрүҥүн учаастага киин куоракка баар 1 №-дээх кытаанах режимнээх холуонньаҕа аһылынна. Бу туһунан РФ Накаастабылы толорор федеральнай сулууспатын Саха сиринээҕи управлениетын пресс-сулууспата иһитиннэрдэ.
Бу учаастакка светодиоднай светильник икки көрүҥүн — уулуссаҕа уонна тэрилтэ дьиэтигэр анаммыттары — оҥорон, бэлэмнээн таһаарар буолуохтара. Маныаха «Philips» и «Optogan» диэн бу эйгэҕэ инники күөҥҥэ сылдьар, бастыҥынан биллэр оҥорон таһаарааччылар кэмпилиэктэрин туттуохтара. Ол үчүгэйдик сырдатыыны, прибордар техническэй характеристикаларыгар толору сөп түбэһиитин мэктиэлиэхтэрэ.
Светильниктары 317 №-дээх профтехучилище базатыгар анаан-минээн үөрэммит хаайыылаахтар бэйэлэрэ таҥыахтара-оҥоруохтара. Уоту балачча харыстыыр, уһун үйэлээх светильниктэри УФСИН бэйэтин эрэ эбийиэктэригэр буолбакка, атын тэрилтэлэргэ эмиэ батарарга бэлэм.
Вера МАКАРОВА, edersaas.ru
УФСИН пресс-сулууспатын хаартыскаҕа түһэриитэ.