Бэҕэһээ, Дьокуускай куорат 203 микрооройуонугар, саҥа оскуола акылаатын түһэрии үөрүүлээх түгэнэ буолла. Долгутуулаах кэрэ-бэлиэ тэрээһиҥҥэ өрөспүүбүлүкэ Аҕа баһылыга Айсен Николаев кыттыыны ылла.
Ил Дархан бу түөлбэҕэ кылгас кэм иһигэр иккис саҥа оскуола тутуллан эрэрин тоһоҕолоон бэлиэтээтэ. “Бу оскуола тутуллан бүттэҕинэ, куораппыт биир саҥа оройуона, санаабыппыт курдук, ситтэ-хотто диир кыахтаныахпыт”, — диэтэ.
Саҥа оскуола 360 үөрэнээччигэ анаммыт, уопсай иэнэ түөрт тыһыынчаттан тахса квадратнай миэтэрэ. Оскуола иһигэр спортсаала, үлэ уруогун кабинета, төрүт омуктар уонна нуучча национальнай култууратын кабинета баар буолуохтара. Ону сэргэ, сүүс миэстэлээх аһыыр сир былааннаммыт.
Оскуола 2020 бүтүүтэ түмүктэниэхтээх. Бэдэрээччит “Кинг-95” ХЭУо.
+1
+1
+1
+1
+1
+1
+1