Дойду бэрэсидьиэнэ кэлэр нэдиэлэни уһун өрөбүл (не рабочий) биллэрбитэ. Ол эрээри, итиннэ ыксаллаах сулууспа үлэһиттэрэ хапсыбаттар. Онон сибээстээн, Дьокуускай куоракка биир дьуһуурунай уһуйаан үлэлиэҕэ.
Дьокуускай куораттааҕы үөрэх управлениетын начаалынньыга Алексей Семенов: “Кэлэр нэдиэлэҕэ куоракка биир уһуйаан – 84-с нүөмэрдээх “Искорка” үлэлиэҕэ. Манна ыксаллаах сулууспа (оперативная служба) үлэһиттэрин эрэ оҕолоро хабыллыахтара. Билиҥҥитэ испииһэги хомуйан бэрэбиэркэлии олоробут. Уһуйаан 240 миэстэлээх”, — диэн “Эдэр саас” саайтка иһитиннэрдэ. Биллэн турар, оҕолору туһааннаах ыспыраапканан ылыахтара.
Санатан эттэххэ, “Искорка” уһуйаан Дзержинскэй уулусса 34/1 нүөмэрдээх дьиэтигэр баар.
Людмила ПОПОВА, edersaas.ru
+1
+1
+1
+1
+1
+1
+1