Ил Дархан Айсен Николаев киэһээҥҥи брифиҥҥэ иһитиннэрбитинэн, Дьокуускай куоракка сыстыганнаах ыарыынынан ыалдьыбыт дьон ахсаана өрөспүүбүлүкэ улуустарын куоһарар.
edersaas.ru
Ол курдук, ааспыт сууккаҕа 73 киһи коронавируһунан сутуллубута бигэргэннэ. 68 киһи үтүөрдэ.
Киин куоракка короновируһунан ыалдьааччылар ахсааннарыгар Жатай олохтоохторо эмиэ киирсэллэр. Ол курдук, ыалдьыбыт дьонтон 16 киһи Жатай олохтооҕо. Итиэннэ коронавирус дьаҥар хаптарбыттар Нам, Мииринэй, Мэҥэ Хаҥалас, Өймөкөөн, Хаҥалас улуустарыгар бэлиэтэммиттэр. Ыалдьыбыттары балыыһаҕа укпуттар. Билигин кинилэри кытта хантаактаах дьону чуолкайдааһын үлэлэрэ ыытыллаллар.
Нам улууһа билигин да уустук балаһыанньалаах. Манна барыта 102 киһи ыалдьыбыта бэлиэтэнэр. Оттон Мэҥэ Хаҥаласка — 48 киһи.
Елена ПОТОЦКАЯ, «Саха сирэ» хаһыат, edersaas.ru
+1
+1
+1
+1
+1
+1
+1