Бэҕэһээ, ыам ыйын 31 күнүгэр, дойду аҕа баһылыга Владимир Путин туһааннаах ыйаахха илии баттаата.
edersaas.ru, Марианна Тыртыкова
Бэрэсидьиэн ыйааҕынан былырыын сэтинньигэ ыытыллыбыт «Арассыыйа улуу ааттара» диэн аахсыйа түмүгүнэн, Арассыыйа 44 аан дойдутааҕы аэропуортарыгар улуу дьон ааттара иҥэрилиннэ.
Нэһилиэнньэ куоластааһын быһыытынан ким аатын аэропуорка биэриэххэ сөбүн сүүмэрдээтэ. Саха сиригэр Былатыан Ойуунускай туһугар 51% (30810 киһи) куоластаабыт. Иккис миэстэни Михаил Николаев 25% (15231), үсүһү Валерий Кузьмин 18% (10812), төрдүһү Петр Бекетов 5% (3126) үллэһиннилэр.
Бырайыак саайтыгар Дьокуускай аэропуордугар ким аатын биэрэргэ уопсай куоластааһыҥҥа 59979 киһи кытынна.
Марианна Тыртыкова, edersaas.ru
+1
+1
+1
+1
+1
+1
+1