Емельян Ярославскай аатынан Хотугу сир норуоттарын устуоруйатын уонна култууратын судаарыстыбаннай холбоһуктаах мусуойун дириэктэрэ Николай Дмитриевич Бугаев маҥнайгылар ахсааннарыгар киирсэн, бүгүн, куоластаан таҕыста.
edersaas.ru
Ол туһунан маннык кэпсээтэ:
— Учаастак арылларын кытта тута тиийэн куоластаатым. Икки нэдиэлэ анараа өттүгэр үлэбиттэн чугас турар учаастакка бигэргэтиммитим, хата, табыгастаах буолла. Куоластыыр сирим дьиппинийэн, тыйыс көрүҥнээх көрүстэ — туорай сабыылаах, муусука, киэргэл суох… кэммит оннуга бэрт буоллаҕа, пандемия кэмэ. Туспа киирэр-тахсар сир тэриллибит, бордууһуналар аһаҕастар, бэйэ бэйэттэн тэйиччи сылдьыы кытаанахтык тутуһуллар. Хамыыһыйа чилиэттэрэ, кэтээн көрөөччүлэр, куоластааччылар бары өрө көтөҕүллүбүт настарыанньалаахтар, ирдэбили тутуһаллар. Илиибин спрейинэн ыстардылар. Мааска биэрээри гыммыттарын аккастанным, бэйэбэр баар. Куоластыыр бүлүтүөнү сып-сап туттардылар. 27 сыл анараа өттүгэр куоластыыр быраабым суох этэ, арай, билигин санаан ыллым — аны кэлэн өссө куоластыыр түгэн үүнүө дуу?
Егор Карпов, «Саха сирэ» хаһыат, edersaas.ru