Арассыыйа Федерациятын бүттүүнүн үрдүнэн, ол иһигэр Уһук Илиннээҕи федеральнай уокурук бары субъектарыгар, коронавирус дьаҥын утары охсуһарга суһал штабтар тэрилиннилэр.
edersaas.ru.
Суһал штабтары эрэгийиэннэр баһылыктара салайаллар, сүрүн биэдэмистибэлэр салайааччылара бары суһал штабтар чилиэннэрэ буолаллар. Эрэгийиэнээҕи суһал штаб боломуочуйатыгар коронавируһу утары охсуһар үлэни тэрийии, сүрүннэһин итиэннэ ылыллар дьаһаллар, сүбэлэр тустарынан гражданнарга, юридическэй сирэйдэргэ, судаарыстыбаннай, муниципальнай уорганнарга иһитиннэрии киирэр.
Суһал штабтар төлөпүөннэрэ
Роспотребнадзор Биир кэлим консультациялыыр киинэ: 8 (800) 555-49-43.
Суһал ыстаап суһал линията : 8 (800) 200-01-12.
Роспотребнадзор коронавируһу утары охсуһууга суһал линията: Амур уобалаһыгар +7 (4162) 20-20-20, Хабаровскай кыраайга: +7 (4212) 40-22-01, Приморьеҕа: +7 (423) 260-50-98, Чукоткаҕа: +7 (914) 533-46-00, Сахалиҥҥа: 1-300 (доб. 8), Магадаҥҥа: +7 (4132) 62-40-43, Камчаткаҕа: +7 (4152) 22-05-18, +7 (984) 160-54-13, Еврейскэй АУо: +7 (42622) 2-32-91, +7 (924) 155-02-03, Забайкальеҕа: +7 (3022) 21-03-03, Бурятияҕа: +7 (3012) 37-95-32, Саха сиригэр: 8 (800)100-14-03.
Бырабыыталыстыба бэрэссэдээтэлэ Михаил Мишустин 2020 сыл тохсунньу бүтүүтүгэр коронавируһу утары охсуһууга Биир кэлим федеральнай штабы тэрийэргэ дьаһайбыта. Бу штаб аан дойдуга уонна Арассыыйаҕа баар быһыыны-майгыны мониторинныыр, дьаҥ тарҕаныытын бохсор, хонтуруоллуур уонна сүрүннүүр үлэни тэрийэр, ону таһынан судаарыстыбаннай, муниципальнай уорганнарга бэриллэр сүбэлэри бэлэмниир.
Раиса Сибирякова, «Саха сирэ» хаһыат edersaas.ru