Ороскуоттуурга эрэ буолбакка, дохуоту киллэрэргэ ыҥырар

Бөлөххө киир:

“Ил Дархан Анал этиитигэр олохтоох оҥорон таһаарыыга болҕомтотун уурда. Ити улууска, нэһилиэккэ орто, дьоҕус бизнеһи өйүүрбүтүгэр төрүөт буолар”, — диэн бэлиэтиир Нам улууһун баһылыга Александр Атласов.

glava-nam

Санатан эттэххэ, Ил Дархан Егор Борисов Ил Түмэн дьокутааттарыгар, уопсастыбаннаска анаан бэҕэһээ сэтинньи 24 күнүгэр сэттис төгүлүн Анал этиитин иһитиннэрбитэ. Кэлэр сылга сүрүн туһаайыыларын этиэн иннинэ кини бүддьүөт боппуруостарын ырыппыта. Александр Атласов бу туһунан: “Ил Дархан бүддьүөтү тыырыыга аҥардас ороскуоттууру эрэ көрбөккө, эбии үбү киллэринэр суолу тобуларбытыгар куруутун этэр. Уонна биири сэргии иһиттим, «Мин Сахам сирэ XXI үйэҕэ» үтүө дьыала хамсааһыҥҥа бэриллэр үбүлээһин кэлэр өттүгэр 500 мөл. солк. кыччыа суохтааҕын эппитин. Холобур, биһиги улууспутугар бу хамсааһын чэрчитинэн, быйыл түөрт оскуолаҕа спортивнай саала тутан киллэрэн эрэбит. Мин санаабар, бу хамсааһын аҥаардас бүддьүөт харчытын эрэ туһаныы буолбакка, дьону түмэр сыаллаах, онон сылын аайы манна үбүлээһин көрүллэрэ саамай сөп”, — диэн этэр.

Ону сэргэ кини муниципальнай тэриллиилэр олохтоох оҥорон таһаарыыга ылсыахтаахтара кэм ирдэбилэ буолбутун бэлиэтиир. “Мин санаабар, билигин дьону дьарыктаах оҥорууга орто, дьоҕус бизнес ылар оруола улахан, онно болҕомтобутун ууран үлэлиэхпит”, — диэн Нам улууһун баһылыга этэр.

+1
0
+1
0
+1
0
+1
0
+1
0
+1
0
+1
0