«Доҕордоһуу» болуоссатыгар сонун тэрээһин ыытылынна

Бөлөххө киир:

Улуу Кыайыы 75 сылын көрсө  Сэрии, тыыл, үлэ бэтэрээннэрин куораттааҕы  сэбиэтэ, Саха Өрөспүүбүлүкэтин уопсастыбаннай түмсүүлэр үлэлэрин сайдыытын өйүүр «ЭЙГЭ» уопсастыбаннай тэрилтэ тэрийиилэринэн уонна  Хаҥалас улууһун Өктөм нэһилиэгин «САРДАҤА» уопсастыбаннай түмсүү салайааччытын Осипова Ульяна Юрьевна көҕүлээһининэн, Дьокуускай куоракка Мэҥэ Хаҥалас  улууһун Балыктаах  нэһилиэгин «ДОРУОБУЙА» түмсүү (салайааччы Ноговицына Марфа Иннокентьевна) кыттыылаах  флешмоб итиэннэ сүһүөҕү хамсатар гимнастика ыытылынна.

edersaas.ru, Валентина Васильева

Горнай, Бүлүү, Хаҥалас, Мэҥэ Хаҥалас, Алдан улуустарыттан, Дьокуускай куорат Гагаринскай, Автодорожнай, Сайсары, Промышленнай уокуруктарыттан, Мархаттан, өрөспүүбүлүкэтээҕи коррекционнай оскуола-интэринээт оҕолоро, барыта 200-кэ буолан кыттан, үҥкүүлээн, ырыа истэн, үҥкүү көрөн астынан, дуоһуйа сынньанан тарҕастыбыт. Куорат культуураҕа отделыгар, чуолаан Анна Николаевнаҕа, Андрейга, Опера уонна балет тыйаатырын дириэктэрин эбээһинэһин толорооччу Маргарита Васильевнаҕа, аппаратураҕа үлэлээбит Константинҥа, ылбаҕай ырыалаах Томмоттон кэлбит Намыына Куоҕа, ырыа куттаах Мария Васильевна Захароваҕа истиҥ махталбытын тиэрдэбит. Үтүө, сырдык санаалаах үчүгэй дьоҥҥо айылҕа кытта үөрэр дииллэринии, сып сылаас күн туран биэрдэ. Манна 94 саастаах Гагаринскай уокурук бэтэрээннэрин Сэбиэтин бэрэссэдээтэлэ Иван Александрович, 89 саастаах «Эйгэ» чилиэнэ, сүбэһитэ Анна Михайловна тэрээһини өйүүбүт диэн кэлэн, кыттыыны ылан үөрэ-көтө үҥкүүлэстилэр. Ол курдук, Кыайыы 75 сылын көрсө ыытыллыбыт тэрээһин үрдүк көтөҕүллүүлээхтик ыытылынна.

Валентина Васильева, куораттааҕы бэтэрээннэр Сэбиэттэрин бэрэссэдээтэлин солбуйааччы.

+1
0
+1
0
+1
0
+1
0
+1
0
+1
0
+1
0