Тыа хаһаайыстыбатын министиэристибэтигэр ыам ыйын 14 күнүттэн 27 күнүгэр диэри «Бааһынай хаһаайыстыба базатыгар дьиэ кэргэн пиэрмэтин сайыннарыы» федеральнай бырагыраама граныгар докумуоннары тутуу буолар.
edersaas.ru.
Куонкурус Саха Өрөспүүбүлүкэтин Бырабыыталыстыбата 2019 сыл олунньу 6 күнүгэр таһаарбыт «Дьиэ кэргэн пиэрмэлэрин сайыннарыыга граннары субсидия киэбинэн биэрии Бэрээдэгин бигэргэтэр туһунан» диэн ыйааҕар олоҕуран ыытыллар. Граннар куонкурус түмүгэр олоҕуран бэриллэллэр, биир грант кээмэйэ пиэрмэни сайыннарыы ороскуотун 60 % -на буолар, хаалбыт 40 %-ын куонкуруска кыттааччы бэйэтэ угар. Граннар бааһынай хаһаайыстыбатын тэриммит дьиэ кэргэн биитэр биирдэм урбаанньыт ынах сүөһүнү иитэр пиэрмэни туттарыгар, саҥа тэрилинэн хааччыйарыгар итиэннэ сүөһүнү атыылаһарыгар ананан бэриллэллэр.
Куонкуруска кыттааччылартан туох докумуоннар ирдэнэллэрин итиэннэ олор холобурдарын Тыа хаһаайыстыбатын министиэристибэтин официальнай сайтыгар көрүөххэ сөп. Эбии иһитиннэриини министиэристибэ Сүөһүнү иитиигэ уонна племенной үлэҕэ департаменыттан, Кэпэрээссийэҕэ уонна хаһаайыннааһын дьоҕус киэптэрин департаменыттан маннык төлөпүөннэринэн билсиэххэ син: 8 (4112) 506689, 8(4112) 506616, 8(4112) 506668. https://minsel.sakha.gov.ru/npa/front/view/id/149
Раиса Сибирякова, «Саха сирэ» edersaas.ru.