Аан дойду чөмпүйэнээтигэр Диана Адасько тохсус буолла

Ааптар: 
Бөлөххө киир:

Ааспыт өрөбүлгэ Финляндия Тампере куоратыгар түмүктэммит ыччаттар ортолоругар чэпчэки атлетикаҕа аан дойду чөмпүйэнээтигэр Арассыыйа спортсменнара мэтээлэ суох хааллылар.

Хамаанданан түмүккэ Кения сүүмэрдэммит хамаандата алта кыһыл көмүс, түөрт үрүҥ көмүс, биир боруонса мэтээли ылан бастаата. Ямайка (4-5-3) уонна АХШ (3-8-7) иккис, үһүс миэстэлэргэ таҕыстылар.

Бу күрэхтэһиигэ биһиги тоҕус спортсмеммыт — Степан Кекин (многоборье), Аксана Гатаулина (шест), Алина Шаркова (400 м барьердаах сүүрүү), Елизавета Бондаренко (шест), Полина Миллер (200 м сүүрүү), Алексей Фадеев (үрдүгү ойуу), Николай Орлов (копьё), Мария Кочанова (үрдүгү ойуу) уонна Диана Адаско (үстэ төхтөрүйэн ыстаныы) — Арассыыйа чэпчэки атлетикаҕа федерацията үлэтэ ууратыллыбытынан, былааҕа суох кытынна, уонна кыайан миэстэлэспэтэ. Бастыҥнарбыт Елизавета Бондаренко, Полина Миллер бэйэлэрин көрүҥнэригэр төрдүс көрдөрүүлэннилэр.

Аан дойду таһымнаах күрэхтэһиигэ бастакытын кыттар Саха сирин чэпчэки атлетикаҕа оскуолатын иитиллээччитэ Диана Адасько үстэ төхтөрүйэн ыстаныыга финалга тахсан, тохсус көрдөрүүлэннэ.

Үстэ төхтөрүйэн ыстаныы (кыргыттар):

  1. Александра Начева (Болгария) – 14,18. 2. Мириэли Сантос (Бразилия) – 13,81. 3. Давислейдис Велазко (Куба) – 13,78… 9. Диана Адаско – 13,14.

Роман Попов, “Саха сирэ” хаһыат

Хаартыска Интернеттэн ылылынна.

+1
0
+1
0
+1
0
+1
0
+1
0
+1
0
+1
0