Биир даҕаны маҕаһыыны хаалларбакка олоччу дезинфекциялыыллар

Ааптар: 
Бөлөххө киир:

Саха сиригэр коронавируһунан ыалдьыы кэлин биллэ үксээтэ. Бу ордук Дьокуускай куоракка бэлиэтэнэр. Онон Ил Дархан дьаһалынан бары тэрилтэлэргэ, маҕаһыыннарга дезинфекциялааһын ыытыллар.

edersaas.ru

Бэҕэһээ бары тэрилтэлэргэ “санитарнай обработкалааһын” оҥоһуллубут, арай, кууһунан атыылыыр баазалар эрдэ, 16 чааска диэри үлэлээбиттэр. «Бөдөҥ, кууһунан атыылыыр маҕаһыыннар бэнидиэнньиккэ диэри үлэлээбэттэр», — диэн Дьокуускай куорат урбааҥҥа департаменын начаалынньыга Ирина Седова иһитиннэрдэ.

Бүгүн-сарсын ас маҕаһыыннарыттан ураты бары дезинфекцияҕа сабыллыахтаахтар. Оттон өрөбүлгэ ас маҕаһыыннарын хатаан, санитарнай обработка оҥоһуллуохтаах.

Куорат үрдүнэн, уопсайа, 6 тыһыынчаттан тахса тэрилтэ баара. Балар бары эппиэтинэстэхтик сыһыаннаһыахтара диэн эрэнэбит. Бу күннэргэ аакта оҥорор бырааптаах хамыыһыйа күүскэ үлэлиир. Ону таһынан, уокурук исписэлиистэрэ Роспотребнадзор ирдэбилэ уонна дьаһал туолуутун көрөллөр. Күн аайы сарсыарда отчуоттууллар.

Бэҕэһээ биһиги департамеммыт кууһунан атыылыыр баазалары, «Розтор», «Хозмаркет», «Амсай» курдук бөдөҥ маҕаһыыннары баран көрбүтэ. Туох баар офистар, атыы саалалара, ыскылааттар, тэрилтэ дьиэлэрин атта барыта сууйуллар, ыраастанар, дезинфекцияланар, — диэн начаалынньык кэпсээтэ.

Людмила ПОПОВА, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0