Депутатскайга волонтердар босхо бородуукта нобуорун тиэрдэллэр. Буола турар балаһыанньаны «Альфа-Групп» холдинговай хампаанньа өйөөн, 65-тэриттэн үөһэ саастаах дьоҥҥо көмө оҥордо.
Бу туһунан Усуйаанатааҕы Волонтердар кииннэрин салайааччы Пелагея Слепцова кэпсиир:
— Бу Бүтүн Арассыыйатааҕы #МыВместе диэн аахсыйа иитинэн ыытыллар «Бородууктанан көмө» социальнай бырайыак буолар. Биһиэхэ, Депутатскайга, урбаанньыт Михай А.Г. көмөлөстө. Ыарыы аҕам саастаах дьоҥҥо быдан кутталлаах. Онон, бу дьоҥҥо дьиэлэригэр бородуукта илдьэн биэрэбит. Бу — аахсыйа сыала. Барыта маннык 100 нобуору тиэртибит. Нобуор иһигэр бурдук, ириис, мокоруон, мас арыыта баар.
Депутатскайга бородууктаны тиэрдэн биэриигэ билиҥҥитэ 14 волонтер үлэлиир.
+1
+1
+1
+1
+1
+1
+1