Олунньу 5-14 күннэригэр Ил Түмэҥҥэ тыа хаһаайыстыбатын дэкээдэтэ ыытыллар
Бу туһунан тохсунньу 24 күнүгэр ыытыллыбыт Тыа хаһаайыстыбатын министиэристибэтин кэллиэгийэтин мунньаҕар Ил Түмэн Тыа сиригэр уонна аграрнай бэлиитикэҕэ сис кэмитиэтин бэрэссэдээтэлэ Андрей Находкин иһитиннэрдэ.
edersaas.ru.
Норуот дьокутаата кэлэр сылтан салааны өйөөһүҥҥэ саҥа механизм киллэриллэринэн, нэһилиэнньэҕэ сырдатар-өйдөтөр үлэ ыытыллара наадатын бэлиэтээтэ. Үбүлээһин боппуруоһугар санаатын атастаста:
– Быйылгы сылтан АПК-ны сайыннарыыга икки судаарыстыбаннай бырагырааманан үлэлиибит. «Тыа хаһаайыстыбатын сайдыытын итиэннэ тыа хаһаайыстыбатын бородууксуйатын, сырье уонна ас-үөл ырыынагын сүрүннээһин» бырагырааманан 9 млрд 990 мөл., «Тыа сирин кэлим сайыннарыы» бырагырааматынан 1 млрд 671 мөл 944 тыһ. солк, бүддьүөтү таһынан источнигы аахтахха, 3 млрд 131 мөл солк көрүлүннэ. Ити 2019 сылы кытары тэҥнээтэххэ, ити 661 мөлүйүөнүнэн элбэх. Манна эбии үбү булууга салгыы үлэлиэхпит, тоҕо диэтэххэ, сайылыктары уонна сылгы баазаларын тутууга харчы көрүллүбэтэ, эккэ субсидия былырыыҥҥыттан суох, оту тиэйиигэ харчы кырыымчык. Олунньу 5-14 күннэригэр Ил Түмэҥҥэ тыа хаһаайыстыбатын дэкээдэтэ ыытыллыаҕа. Дэкээдэ чэрчитинэн, тыа хаһаайыстыбатын сайдыытын боппуруостарыгар сыһыанаа кэккэ дьаһаллар ыытыллыахтара.
Раиса Сибирякова, «Саха сирэ» edersaas.ru