Дьокуускай куоракка ааспыт өрөбүллэргэ санитарнай ыраастааһын тэрилтэлэргэ, маҕаһыыннарга уонна уулуссаларга ыытыллыбыта үчүгэй түмүгү биэрдэ.
edersaas.ru
Бу туһунан Ил Дархан Айсен Николаев киэһээҥҥи брифиҥҥэ иһитиннэрдэ. Өрөбүллэргэ санитарнай ыраастааһын ыытыллар буолан уонна маҕаһыыннар сабылланнар, үгүс киһи дьиэтигэр олорбута тута билиннэ диэххэ сөп.
— Сыстыганнаах ыарыы бигэргэниитин 9%-тан 4% диэри түһэрдибит. Онон дьаҥ бигэргэниитин ахсаана аччаата. Билиҥҥи туругунан 19 ыарахан ыарыһах баар. 5 киһи ИВЛ аппараакка холбонон сытар. 14 киһи тыына быстыбыта бэлиэтэнэр. Бу сүрүннээн 65 саастарыттан үөһээ саастаах, дьарҕарбыт ыарыылаах дьон. 573 киһи симптома суох ыалдьаллара биллэн, дьиэлэригэр сытан эмтэнэллэр. Ыарыы саҕаланыан иннинэ анаалыстары эрдэ ылар буолан, сыстыганнаах ыарыы киһи организмыгар олохтоохтук тарҕанарын сэрэттибит. Ол курдук, уопсайа 3,5 тыһыынча анаалыс ылылынна. 141 тыһыынча тест оҥоһулунна, — диэн бэлиэтээтэ Айсен Николаев.
Елена ПОТОЦКАЯ, «Саха сирэ» хаһыат, edersaas.ru
Хаартыска: СИА