Чысхаан Өлүөхүмэ улууһун оҕолорун кытта көрүстэ!

Ааптар: 
Бөлөххө киир:

Саҥа дьылы баттаһа бу күннэргэ Чысхаан Хаҥалас уонна Өлүөхүмэ улуустарыгар сырытта. Айылҕа модун күүһүн ылынан, айылҕаны хайдах баарынан, оннунан көрө-истэ сылдьар соругу толорор.

edersaas.ru

Улуустарынан сырыытын кэмигэр Чысхаан оҕолору кытта көрсөр, тулалыыр айылҕабытын харыстыыр туһунан кэпсиир.

Өлүөхүмэҕэ сырыытын кэмигэр куорат, II Нөөрүктээйи нэһилиэгинээҕи оҕо тэрилтэлэрин уонна култуура кииннэрин таарыйда, I Нөөрүктээйи, Абаҕа, Кыыллаах, Улахан Муҥку, Үҥкүр оҕолорун кытта көрүстэ. Чысхааны көрөн кырачааннар эрэ буолбакка, улахан дьон кытта үөрдэ. Хаартыскаҕа түстүлэр, ыллаатылар-туойдулар, хоһооннорун эттэрин. Оттон Чысхаан Саҥа дьылынан аккырыыккаларын бэлэхтээтэ, көхтөөх уонна бастыҥ үөрэнээччилэргэ махтал суруктары кытта бэлэхтэри туттарда.

Улуус олохтоохторо: “Биһиэхэ ураты күн буолла. Тоҕо диэтэххэ, маннык остуоруйа дьоруойдара биһиэхэ сэдэхтик кэлэллэр. Оҕолор эрэ буолбакка, улахан дьон эмиэ Чысхаанныын хаартыскаҕа түһээри, кэпсэтээри уочараппытын кэтэһэн олоробут. Тэрийээччилэргэ улахан махтал. Оҕолорбут үөрүүлэрэ муҥура суох! Өймөкөөнтөн кэлбит Чысхаан оҕонньору илэ харахтарынан көрдүлэр. Билигин кини ханна олорорун билэллэр”, — диэн төрөппүттэр үөрүүлэрин үллэстэллэр.

Өлүөхүмэ улууһун дьаһалтатыгар өйөбүлүн иһин махталбытын биллэрэбит. Чысхаан улуустарынан сырыытыттан видеону көрүҥ.

“Кыһын Саха сириттэн саҕаланар” бэстибээл пресс-киинэ.  

+1
0
+1
0
+1
0
+1
0
+1
0
+1
0
+1
0