Чурапчылары «Меркурий», үүт харчыта долгутар

Бөлөххө киир:

Чурапчы улууһугар бүгүҥҥүттэн тыа хаһаайыстыбатын миниистирэ Александр Атласов салайааччылаах биригээдэ ситэриилээх былаас отчуотун саҕалаата.

edersaas.ru, Раиса Сибирякова

Биригээдэ үс бөлөҕүнэн хайдыһан үлэлиир. Александр Павлович бэйэтэ бастакы бөлөҕү салайан Бахсы эҥээр, үөрэх миниистирин солбуйааччы Ирина Любимова салайар бөлөҕө Мугудайга, Хайахсыкка, үлэ уонна социальнай сайдыы миниистирин солбуйааччы Иван Алексеев бөлөҕө Төлөйгө, Мындаҕаайыга үлэлээтилэр.

Хас нэһилиэк ахсын олохтоохтор мунньахха көхтөөхтүк кэлэллэр, элбэх ыйытыылары биэрэллэр, санааларын этэллэр, бырабыыталыстыба ааспыт сыллаах үлэтин биһирииллэрин биллэрэллэр. Үүтү туттарааччылар «Меркурий» ситими ыарырҕаталларын этэллэр, үүт харчытын үрдэтэргэ туруорсаллар. Бахсы олохтоохторун сүрүн кыһалҕаларынан саҥа кулууп дьиэтин туттарыы, быһыты бөҕөргөтүү, Росреестргэ эргэ тутуулары (ол иһигэр история пааматынньыга буолбут Таҥара дьиэтин) киллэртэрии буолбут.

Үүтү харчытын үрдэтэргэ уонна «Меркурий» ситим өйдөммөт өрүттэригэр элбэх этии киирбитинэн, олунньу 14 күнүгэр Чурапчыга тыа хаһаайыстыбатын миниистирэ, улуус кураатара Александр Атласов кыттыылаах үүтү туттарааччылар, бэтэринээрдэр уонна асчыттар уопсай мунньахтара тэриллэр буолла.

Раиса Сибирякова, edersaas.ru

+1
0
+1
0
+1
0
+1
0
+1
0
+1
0
+1
0