Коронавирус дьаҥыттан киллэриллибит хааччахтааһын дьон олоҕор-дьаһаҕар, дохуотугар охсубатын туһугар Чурапчы улууһун дьаһалтата дьиэ кэргэн олоҕун уйгутун тупсарарга туһаайыллыбыт бырагараамалары оҥорбутун туһунан биһиги эрдэ суруйан турабыт.
edersaas.ru
«Дьиэҕэр олор — дьиэ кэргэн экономикатынан дьарыктан!» диэн бырагыраама сэттэ хайысхатыттан биирдэстэрэ саастарын ситэ илик оҕолор сайыҥҥы уһун өрөбүлгэ дьарыктаах буолууларын хааччыйыы буолар. Бу хайысха чэрчитинэн, улуус дьаһалтата түөрт уонна онтон элбэх саастарын ситэ илик оҕолоох ыалларга биир кэмнээх көмөнү оҥорон, ас-үөл нобуорун биэрдэ.
Маннык көмө бырагыраамаҕа киирэн, сайын төрөппүттэригэр көмөлөһөн, сүөһүгэ, оҕуруокка уонна окко үлэлиир оҕолорго эмиэ көрүллүөҕэ. Бырагыраамаҕа кыттыахтарын баҕарар ыаллартан сайаапка ыам ыйын 22 күнүгэр диэри хомуйуллар диэн улуус дьаһалтата иһитиннэрэр.
Раиса Сибирякова, «Саха сирэ» хаһыат, edersaas.ru
Хаартыскалар — Чурапчы дьаһалтатын пресс-сулууспатыттан.
+1
+1
+1
+1
+1
+1
+1