Коронавирус дьаҥынан сибээстээн улуустар сэрэхтээх буолуу дьаһалларын күүһүрдэн тураннар, сүрүн суолталаах үлэлэрин тохтоппоттор.
edersaas.ru
Чурапчы сэлиэнньэтигэр Липпэлээҕи туоруур дьоһуннаахай муоста тутуллар. Билигин күнү-дьылы баттаһан, сыбаайалар туруорулла сылдьаллар. Бэдэрээтчит «Арсылан» ХЭУо бэрэстэбиитэлэ этэринэн, муостаны тутууга саҥа технологическай ньыма туһаныллар.
— Муоста хаачыстыбалаахтык оҥоһуллуохтаах итиэннэ кэмигэр үлэҕэ киллэриллиэхтээх, – диэн соругу туруорда улуус баһылыга Андрей Ноговицын тутууга солбуйааччыта Руслан Васильевы кытары эбийиэги көрүү түмүгүнэн.
Саҥа муоста өрөспүүбүлүкэтээҕи Суол пуондатыттан көрүллүбүт субсидия үбүнэн тутуллар диэн Чурапчы улууһун дьаһалтата иһитиннэрэр.
Раиса Сибирякова, «Саха сирэ» хаһыат, edersaas.ru
+1
+1
+1
+1
+1
+1
+1