Чокуур Гаврильев: “Дойдубут сайдарыгар хас биирдиибит улахан өҥөлөөх”

Ааптар: 
Бөлөххө киир:

Бу күннэргэ батсаап ситимигэр политолог Чокуур Гаврильев ааптардаах, спортсмен быраастан, учууталтан, учуонайтан ордук өрө тутуллуо, бочуоттаныа суохтаах диэн ис хоһоонноох сурук тарҕанна.

Людмила Попова, “Саха сирэ” хаһыат, https://edersaas.ru/

Сурукка спортсменнарга хааһынаттан хас мөлүйүөн дуоллары бэриллиэҕинээҕэр, биэнсийэлээх дьоҥҥо биэнсийэлэригэр 10 доллары эбиэххэ, сүүһүнэн тыһыынча стадионнары тутуох кэриэтин, тыһыынчанан оҕо былаһааккатын оҥоруохха эҥин диэн суруллубут.
Маныаха “Саха сирэ” хаһыат кылаабынай эрэдээктэрэ, политолог Чокуур Гаврильев туох санаалааҕын билээри, бэйэтиттэн “ити кырдьык эн этиилэриҥ дуо?” диэн туоһуласпыппытыгар, маннык хоруйу биэрдэ:

“Батсаапка бэйэм ааппыттан тугу да ыыппаппын. ЯСИА-ҕа, ЯКТ-га уонна edersaas.ru сайтарга блогтаахпын. Онно санаабын суруйабын. Дойдубут сайдыытыгар хас биирдиибит улахан өҥөлөөх. Учуутал дуу, быраас дуу, спортсмен дуу буоларыттан, идэтиттэн тутулуга суох. Эйэлээх буолуохха, омугунан, улууһунан, идэнэн арахсымыахха”, — диэн, ити сурукка туох да сыһыана суоҕун туһунан эттэ.

Сураҕа, итини казах политолога Айдос Сарым суруйбут үһү. Ол чахчыта биллибэт. Онон батсаапка суруллубуту барытын итэҕэйэн иһимэҥ. Ардыгар, хаар диэбиттэрэ уу, уу диэбиттэрэ хаар буолааччы.

Людмила Попова.

+1
0
+1
0
+1
0
+1
0
+1
0
+1
0
+1
0