Бүгүн, тохсунньу 28 күнүгэр, Мииринэй куораттан 15 км Чернышевскайдыыр суол илин өттүгэр «Алмазная долина» хайа баазатын диэки айан суолугар уу тахсыбытын туһунан социальнай ситимнэргэ суруйдулар.
edersaas.ru
Суол нөҥүө, арҕаа диэки, Чуоналыыр өрүс водохранилищета баар, онтон өрүс Оччугуй Ботуобуйа диэки устар. Хайа баазатыттан 4 килэмиэтир илин 3 №-дээх Мииринэйдээҕи хайаны байытар фабрика хвостохранилищета үлэлиир, онтон өссө илин хайысханан Тымтайдаах үрэх минеральнай уута мунньуллар. Баазаттан көлүччэ уутугар диэри 8 килэмиэтир.
Экологическай мониторинг өрөспүүбүлүкэтээҕи информационнай-аналитическай киинин дириэктэрэ Лена Волкова этэринэн, минеральнай уу арҕаа, Хайа баазатын диэки таҥнары устар кыаҕа суох, сүүрүк устун илин диэки барыахтаах.
Мииринэй куорат экологияны кэтээн көрөр инспектордара туох уута хантан тохтубутун чуолкайдаары, уу анаалыһын ылаары миэстэтигэр таҕыстылар.
Марианна ТЫРТЫКОВА, «Саха сирэ» хаһыат, edersaas.ru
+1
+1
+1
+1
+1
+1
+1