Эрэгийиэннэргэ вирус саҥа көрүҥүн утары араас дьаһаллары ылыннылар. Саха сирэ ханнык дьаһаллары, тэрээһиннэри ылыммытын, Ил Дархаммыт Айсен Николаев таһаарбыт Ыйаахтарыттан билэн-көрөн олоробут.
Бу сырыыга кылгастык атын эрэгийиэннэр хайдах дьаһанан эрэллэрин иһитиннэриэҕи баҕарыллар. Дьэ, холобур, Чечняҕа сыбаайбалары, баҥкыаттары бу улахан дьаҥ кэмигэр ыытар бобуллубут. Карачаево-Черкессияҕа эмиэ итинник дьаһаммыттар. Быһата, улахан бырааһынньык остуолугар олорор бобуллубут. Санкт Петербурга быстах кэмҥэ итэҕэл эбийиэктэригэр сылдьартан туттуналларыгар сүбэлээбиттэр.
Карелияҕа бүгүҥҥүттэн уопсастыбаннай тырааныспар сырыытын дьаҥ кэмигэр тохтоторго быһаарбыттар.
Ол гынан баран, саамай киэҥ хайысхалаах хааччахтыыр, сэрэтэр Ыйаахтар биһиэхэ таҕыстылар быһыылаах.
Женни СТРЮКОВА.
Хаартыска интэриниэттэн