Чайыҥдатааҕы ньиэп-гаас хостуур сиргэ 250 киһини үлэҕэ ыытарга «Анаабыр алмаастара» хампаанньа бэлэм.
edersaas.ru
Бөдөҥ промышленнай тэрилтэни кытта СӨ Нэһилиэнньэ дьарыктаах буолуутун кэмитиэтэ үлэлэстэ. Бүгүҥҥү күҥҥэ Чайыҥдатааҕы ньиэп-гаас хостуур сиргэ самосвал суоппардара, суол оробуочайдара, 4 разрядтаах болуотунньуктар, стропальщиктар, 4 разрядтаах силиэсэрдэр, уот монтердара, уо. д.а. оробуочай идэлээх үлэһиттэр наадалар.
Бастакы вице-премьер Алексей Колодезников Чайыҥдаҕа төһө кыалларынан үгүс олохтоох дьону үлэнэн хааччыйыы соруга турарын бэлиэтээтэ. Билигин «Стройтранснефтегаз» хампаанньа салалтатын кытта бу суолталаах боппуруоска кэпсэтии барар, сөбүлэһии барыла оҥоһуллар.
Чайыҥдаҕа үлэлиэхтэрин баҕалаахтар сиһилии https://gkzn.sakha.gov.ru/news/front/view/id/3170767 сыылкаҕа киирэн уонна gkzn-chayanda@mail.ru электроннай аадырыска суруйан билсиэххитин сөп.
Елена ПОТОЦКАЯ, «Саха сирэ» хаһыат, edersaas.ru
Хаартыска: интэриниэттэн