Чабырҕахсыт М.А.Герасимова — Сэҥээрэ бэйэтин бирииһигэр чабырҕаҕы толорооччулар аһаҕас өрөспүүбүлүкэтээҕи күөн-күрэстэрин ыытар.
Куонкурус олунньу 17 күнүгэр Чурапчы улууһун Чурапчы сэлиэнньэтин “Айылгы” Култууратын киинигэр сарсыарда 10 чаастан саҕаланар.
Куонкурус сыала-соруга:
- бэйэлэрэ айар, толорор чабырҕахсыттары болҕомтоҕо ылан өйөөһүн;
- Сэҥээрэ чабырҕахтарын тарҕатыы;
- Чабырҕаҕы көрүҥ быһыытынан сөргүтэн киэҥ эйгэҕэ таһаарыы;
- Бастыҥ чабырҕахтары үөрэтэр хомуурунньук быһыытынан бэчээккэ бэлэмнээн таһаарыы;
- Чабырҕах сайдар суолун тобулуу;
- Дьоҥҥо-сэргэҕэ, ордук ыччаттарга, оҕолорго тиэрдии, үйэтитии;
- Чабырҕахсыттар таһымнарын үрдэтии.
Сэҥээрэ күрэҕэр 18-тан үөһэ саастаах дьон биирдиилээн уонна бөлөҕүнэн кыттыыны ылаллар. Кыттыы бэрээдэгэ сэрэбиэйинэн сааһыланар.
Сыаналааһын сүрүн ирдэбиллэрэ манныктар:
- Чабырҕаҕы этэр тэтимэ;
- Чабырҕахтыыр кэмигэр тыла чуолкайа, тыла-өһө иһиллиитэ;
- Чабырҕаҕын ырыата, дэгэрэҥэ;
- Туттуута-хаптыыта, артыыстааһына, дьоҥҥо тиэрдиитэ, сэҥээрдиитэ;
- Чабырҕаҕын тылын-өһүн баайа, хомоҕойо, үөрэ-дьүөрэ түһэриитэ;
- Кыттааччы сахалыы таҥастаах буолуута;
Тэрээһин ирдэбиллэрэ:
- кыттааччы айанын, түһэр-хонор, аһылыгын ороскуотун бэйэтэ уйунар.Хонук сир сыаната: 500-1000 солк., аһылык: 200-300 солк;
- Сайаапкалар 2017 с. олунньу 16 күнүгэр диэри ылыллаллар (күөн-күрэс кэмигэр сайаапка ылыллыбат);
- Кыттааччылар пааспардарын, ИНН,СНИЛС куоппуйаларын илдьэ кэлэллэр;
- Кыттааччы усунуоһа- 300 солк.
Дьүүллүүр сүбэ:
Чабырҕахсыт Мария Андреевна Герасимова — Сэҥээрэ, Өксөкүлээх Өлөксөй аатынан Норуоттар доҕордоһууларын дьиэтин, Дьокуускайдааҕы Култуура уонна искусство колледжын, Улуустааҕы култуура салалтатын сүрүннүүр үлэһиттэрэ. Дьүүллүүр сүбэ быһаарыыта бүтэһиктээх.
Түмүгү таһаарыы:
Биир Кылаан бириис – М.А.Герасимова-Сэҥээрэ тус бирииһэ олохтонор. Биирдиилээн уонна бөлөҕүнэн толорууга 1,2,3 миэстэлэр олохтоноллор уонна аналлаах ааттар иҥэриллэллэр. Бары кыттааччыларга күөн-күрэс “Туоһу суруга” туттарыллар.
Сайаапкаҕытын 2017 сыл олунньу 16 күнүгэр диэри маннык аадырыска ыытаҕыт:
- Чурапчы улууһа, Чурапчы с., Ярославскай уул. 18 «а», «Чурапчы улууһунааҕы култуура салалтата» МХ тэрилтэтэ, тел./факс: 8(411-51) 41-5-01; 8(411-51) 42-5-10; 8(411-51) 41-2-15. Эппиэттээх: Герасимов Валерий Петрович – 8-914-225-54-18; 8-964-421-44-38.
Эл. аадырыс:Churcultura@mail.ru.
Тэрийэр хамыыһыйа.
Ыспыраапка
М.А. Герасимова — Сэҥээрэ
Билиҥҥи кэм биллиилээх чабырҕахсыта,
чабырҕаҕы тарҕатааччы, айааччы, үйэтитээччи,
чабырҕахха 3 хомуурунньук ааптара,
саха чабырҕаҕын Россия араас куораттарыгар, Москваҕа Сийиэстэр дыбарыастарыгар, П.Чайковскай аатынан уонна Колоннай саалаларга иһитиннэрбит толорооччу,
ССРС култууратын туйгуна,
РСФСР култууратын үтүөлээх үлэһитэ,
Чурапчы улууһун бочуоттаах олохтооҕо.