Дьокуускайга Былатыан Ойуунускай аатынан литература түмэлэ «П.А.Ойуунускай уонна Саха национальнай байыаннай оскуолата» диэн онлайн-тэрээһини тэрийдэ.
Аан дойдуга коронавирус дьаҥа турбутуттан, ону тарҕаппат, бохсор туһуттан бастакытын маннык хабааннаахтык ыытыллар тэрээһин Улуу Кыайыы 75, өрөспүүбүлүкэҕэ Ийэ дойдуга бэриниилээх буолуу, литература түмэлэ тэриллибитэ 50 сылларыгар уонна Өрөспүүбүлүкэ күнүгэр ананан ыытылынна.
«Ойуунускай уһулуччулаах судаарыстыбаннай уонна политическай диэйэтэл, саха советскай литературатын төрүттээччи: олоҕо уонна үлэтэ» диэн онлайн-лиэксийэ буолла. Манна улуу убайбыт, ытык киһи олоҕун-дьаһаҕын, үлэтин-хамнаһын, Саха судаарыстыбаннаһын тэрийсибит, XX үйэ саҥатыгар олох-дьаһах чыҥха уларыйыытын оҥорсубут уһулуччулаах политическэй диэйэтэл, САССР совнаркомун Бэрэссэдээтэлинэн, ЦИК бэрэссэдээтэлинэн үлэтэ-хамнаһа сырдатылынна. Платон Ойуунускай музей буолан турар дьиэтин устун ыраахтан экскурсия улахан болҕомтону тарта.
Дьиэттэн олорон сибээстэһэн сэһэргэһиигэ СӨ Култуураҕа уонна духуобунай сайдыыга миниистирин солбуйааччы Владислав Левочкин, түмэл дириэктэрэ Николай Лугинов, Аҕа дойду улуу сэриитин кыттыылаахтара, тыыл бэтэрээннэрэ, кыраайы үөрэтээччилэр, суруйааччылар, бибилэтиэкэрдэр, ХИФУ утудьуоннара, уо.д.а. кытыннылар.
Хаартыска: dnevniki.ykt.ru