Быйылгы биэрэпискэ бэлэмнэнии үлэтэ көхтөөх
Олох-дьаһах - Тыа сирэ

Быйылгы биэрэпискэ бэлэмнэнии үлэтэ көхтөөх

Көннөрү дьон харахпытыгар соччо быраҕыллыбатар даҕаны, аны күһүн ыытыллыахтаах Бүтүн Арассыыйатааҕы нэһилиэнньэ биэрэпиһигэр бэлэмнэнии үлэтэ дойду үрдүнэн тигинэччи ыытыллар.

edersaas.ru

Судаарыстыбаннай статистика Саха сиринээҕи салаатын салайааччы Ирина Кулунтариевна Гаевая

Саха Өрөспүүбүлүкэтигэр Бүтүн Арассыыйатааҕы нэһилиэнньэ биэрэпиһин тэрээһиннээхтик ыытар туһунан Ил Дархан ыйааҕа тахсан, анал хамыыһыйа састааба бигэргэнэн турар.
Өссө иллэрээ сыл барыллаан биэрэпис интэриниэтинэн ыытыллыбыт түһүмэҕэр биһиги эрэги­йиэннэр икки ардыларынаҕы күрэхтэһиигэ бэһис миэстэни ылбыппыт, — диир Судаарыстыбаннай статистика Саха сиринээҕи салаатын салайааччы Ирина Гаевая. – Өрөспүүбүлүкэ нэһилиэнньэтин 2 %-а бэйэтин баҕа өттүнэн судаарыстыбаннай өҥөлөр порталларыгар киирэн, биэрэпис былааҥкатын толорбута. Иккис түһүмэххэ тоҕус пилотнай субъект иһигэр киирэммит, Хаҥалас улууһугар аадырыстарынан кэрийэн биэрэпис ыыппыппыт. Онон, 2018 сыллаах барыллаан биэрэпис икки түһүмэҕэр кыттаммыт, бэйэбит күүстээх да, мөкү да өттүлэрбитин быһаараммыт, ону быйылгы биэрэпискэ бэлэмнэнэрбитигэр учуоттаатыбыт. Олохтоох дьаһалталары көмөлөһүннэрэн, нэһилиэнньэлээх пууннарга аадырыстар баазаларын оҥордубут, уулуссалар ааттарын, дьиэлэр нүөмэрдэрин чуолкайдаатыбыт, хаарталары бэлэмнээтибит. Түмпүт чахчыларбытын аадырыс федеральнай иһитиннэрэр ситимин (ФИАС) кытары тэҥнээтибит. Билигин хас биирдии нэһилиэнньэлээх пууҥҥа испииһэк оҥорон, ону бэрэбиэркэлии сылдьабыт итиэннэ биэрэписчиттэри үөрэтиини тэрийэбит.

Раиса Сибирякова, «Саха сирэ» хаһыат, edersaas.ru

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

4 × 3 =