Буойун суруйааччы туһунан онлайн-кэмпириэнсийэ

Бөлөххө киир:

Ойуунускай аатынан Литература түмэлэ Улуу Кыайыы күнүгэр буойун суруйааччы Тимофей Сметанин туһунан онлайн-кэмпириэнсийэни тэрийэр.

edersaas.ru

Улуу саха, Уолан саха… Кинини биир идэлээхтэрэ, суруйааччылар, итинник ааттыыллара. Тимофей Сметанин аата тыыннааҕар даҕаны Саха сирин дьонугар киэҥник биллэрэ. Сэрии саҕаланыаҕыттан уоттаах-төлөннөөх тылларынан норуотун өстөөҕү өһөрөргө ыҥырбыта. Кыайыылаах 1945 сыллаахха тахсыбыт “Саллаат сүрэҕэ” диэн кинигэтигэр киирбит хоһоонноро кырыктаах кыргыһыыттан инбэлиит буолан төннүбүт үгүс саха саллаатын сүргэтин көтөхпүтэ, тыыннаах буолар үчүгэйин, син биир сирдээҕи дьолу билэллэрин итэҕэппитэ.

Баара-суоҕа 27 сыл олорон, күн сириттэн барбытын да кэннэ Тимофей аата умнуллубат. Доҕоро Софрон Петрович Данилов 1951 уонна 1969 сылларга кини айымньыларын хомуйан бэчээттэппитэ. Ол кэнниттэн хаста даҕаны Тимофей хомуурунньуктара таҕыстылар, ол иһигэр кини тус олоҕун туһунан ахтыылар, үлэлэрин үөрэтии түмүктэрэ.

«Бэйэлэрин кэмнэригэр этиэхтэрин ситэ эппэккэ эрдэ өлбүттэр модун дууһаларын, дириҥ санааларын, хаалларбыт нэһилиэстибэлэрин хат-хат эргиллэн кэлэн аахтахтарына, өссө эбии күүһүрдэн, дириҥэтэн билэбит. Оннук дьонтон биирдэстэрэ – талааннаах суруйааччы Тимофей Сметанин”, — диэн этэн турардаах Петр Аввакумов. Кырдьык оннук.

Былырыын Тимофей Сметанин  сүүс сыллаах үбүлүөйэ өрөспүүбүлүкэҕэ үрдүк таһымнаахтык бэлиэтэммитэ, элбэх чинчийии үлэлэрэ ыытыллыбыттара. Ол аата, урут биллибэт түгэннэр, чахчылар арыллыбыт буолуохтарын сөп. Ол иһин бүгүн Улуу Кыайыы өрөгөйдөөх үбүлүөйдээх күнүгэр онлайн-кэмпириэнсийэҕэ  кыттан санаа атастаһаргытыгар ыҥырабыт.

✅Конференция аата: «Биллэр, биллибэт Тимофей Сметанин».
✅Буолар күнэ: ыам ыйын 9 күнэ 2020 с. 11 чаастан 13 чааска диэри.
✅Конференцияҕа кыттыан баҕалаахтар бу ыйыынан холбонуҥ:
Төлөпүөн: 8 (958) 473-91-71, код: 7957791#
ID онлайн-кэмпириэнсийэ: linsofiv
Онлайн-кэмпириэнсийэҕэ холбонорго: https://join.freeconferencecall.com/linsofiv

Бэлэмнээтэ: Ангелина Васильева, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0