Бүгүҥҥү туругунан Өлүөнэ көмүөлэ икки учаастагынан устар. Муус алын кырыыта Ленскэй улууһун Муруйа (Мурья) аттынан, оттон үөһээ кырыыта Ленскэй куоратыттан 15 км сиргэ баар. Биир суукка иһигэр көмүөл 21 км уһунна. Муус иккис учаастага Өлүөхүмэ улууһун Хоротун аттынан устар.
edersaas.ru
Күнү-дьылы билгэлээччилэр Покровскай – Дьокуускай – Кангаласс учаастагынан муус ыам ыйын 15-16 күннэригэр эстиэҕин сабаҕалыыллар.
Алдан көмүөлэ эмиэ икки учаастагынан устар. Дьабарыкы Хайа – Хаандыга учаастагынан ыам ыйын 15 – 17 күннэригэр устуоҕун билгэлииллэр.
Амма өрүс аллараа кырыыта Таатта улууһун Чымынаайытыттан 40 км сиргэ баар. Уу таһыма 1098 см (кутталлаах таһым 1260 см).
Ыксаллаах быһыы-майгы министиэристибэтин управлениета иһитиннэрэринэн, Зырянка аннынан уу таһыма үрдээн, авиапорт көтөр-түһэр балаһатын уу ылбыт.
Биһ. корр., edersaas.ru
+1
+1
+1
+1
+1
+1
+1